Ini Pesona Alam Kecamatan Koto Tangah di Kota Padang Yang Patut Dikunjungi

Oleh : Hellen Berlian Putri/Mahasiswi Universitas Andalas jurusan Sastra Minangkabau

Pemandian Nona dan Menner. Foto : Google Image

Kota Padang selain wisata pantainyo nan indah dan sangat terkenal dikalangan urang lua kota Padang ataupun urang padang tu surang, ado salah satu wisata nan alun banyak diketahui urang. Salah satunyo wisata-wisata alam nan ado di kecamatan Koto Tangah terkhususnyo Lubuk Minturun, Sungai Lareh dan sakitarnyo.

Untuak labiah mengenal jo wisata wisata nan ado di Koto Tangah ko,mari wak bahas beberapa diantaronyo:

1. Pemandian None dan meneer belanda di lubuk minturun 

Sajarahnyo,sajak jaman kolonial Belanda,Kawasan lubuk minturun ko alah dikenal jo wisata alamnyo,tarutamo pamandian alamnyo. Tampek komanjadi salah satu destinasi yang dikelola langsuang oleh pemerintah Kota Padang. Manuruik kidal narsis.com lubuk minturun artinyo lubuk tu kolam jo aliran sungainyo barado dibawah tampek pabukikan 

Kabanyo di pemandian alam lubuk minturun ko ado prasasti nan ditulih jo tulisan latin nan tadiri dari ampek barih yaitunyo,”diboeka 8-4-1883”dibaris nan partamo,”oleh”dibaris nan kaduo,”penghoeloe…”tu baris ka ampek”achin…”. 

Prasasti ko dapek manjadi bukti sejarah jajak pamandian jaman colonial,tapi banyak urang nan alun basobok jo prasasti ko tamasuk awak surang nan masih penasaran jo kabaradoan prasasti ko.

Pamandian alam lubuk miturun ko biasonyo manjadi tampek wisata keluarga,contohnyo masyarakat pai balimau pas urang ka puaso nan mandi mandi disakitar hiliran sungai ko.

2. Pemandian lori dan jembatan tua di lubuk minturun

Disabuik pamandian lori karano lori ko artinyo kareta mini(ketek)nan dibuek sajak zaman kolonialtapi alun ado nan basobok jo jajak kareta mini ko. Biasonyo lokasi pamandian lori ko dakek pengolahan ai PDAM lubuk minturun.

Salain pemandian lori ado pulo jambatan tuo nan mambantang di ateh tang ai batang kandis tu. Tingginyo kiro kiro sapuluh meter dan lebarnyo kurang dari sameter,kondisinyo dengan paga basi bawarna kakuniangan nan alah bakerek.

3.Hutan seragon di lubuk minturun

 Sabalah jambatan lori ko ado jambatan nan baru dibuek,kalau ditaruihan jambatanko masuk ka parak penduduk sekitar atau ladang dan akan basobok jo hutan seragon ko yang merupakan kalompok pohon dari suku polong-polongan. 

Bantuaknyo nan menarik sabagai latar objek foto yang instagramamble. Sabalah hutan ko ado pondok pesantren nan banamo pondok pesantren Darul ‘Ulum nan mano awak sendiri pernah mondok di pesantren ko untuak menuntut ilmu agama.

4. Bungker Jepang sungai lareh

Salain jajak Kolonial,dilubuk Minturun ko adoh pulo paninggalan zaman penjajahan Jepang sakitar tahun 1943-1946. Tadapek sabuah bungker babantuk satangah lingkaran dengan tebal dindiangnyo kurang dari 1dm. Posisinyo dakekjalan raya tapi agak manjorok kabawah saketek.

Kalau wak masuk kadalamnyo ado Lorong nan tinggi,lebarnyo ndaklabiah duo meter sampai basuo jo ruangan untuk tampek persembunyian dari tantara kolonial dan masyarakat sekitar. 

Kabanyo ruangannyo lumayan lueh dan terdapat ciek ventilasi udara diatehnyo. Bungker ko dibuek oleh pekerja yang diambik dari pulau Jawa jo pulau Sulawesi.

Tapi sayangnyo bungker ko ndak tarawat akibatnyo banyak tanaman dan rumput liar yg tumbuh di sekitar bungkerko.padahal bungker ko bisa jadi daya Tarik untuak pengunjung yang datang ke Kawasan lubuk minturun.

5. Masjid Nur-zikrullah dan mekah mini di kota padang

Kawasan masjid Zikrullah dikenal jo miniature Mekkah nan dapek manjadi pilihan untuak berwisata religi katiko pai ka Kota Padang. Nan mambangun masjid ko hj.Nuril Zakir dan keluarga yang dibuek pado 13 Desember 2000 serta salasai pado 8 september 2001.

Di pintu gerbang masuk ka tampek ko ado tugu Alquran gadang sarupo yang ado di kota Makkah,cuma ukurannyo labiah ketek. Sadangkan miniature Ka’bah talatak didalam masjid Nur-Zikrullah. 

Dilokasi tadapek jambatan ketek nan diatehnyo ado tugu nan malambangkan tampek  umat islam malempar jumroh. Dibawah jembatan merupakan kolam nan barisi ikan raksasa yang berasal dari Amazon,setelah tu basobok jo miniature terowongan mina.

Masjid ko acok dipakai untuk manasik haji karano masjid nur-zikrullah disabuik miniature Makkahdan kini alah banyak batambah bangunan baru jo taman taman bermain nyo.

6. Pamandian Air Dingin 

Lubuk Minturun ko memang surganyo bamain air jo nuansa alam nan masih alami di kota Padang. Salain pamandian alam lori adopulo pemandian lainnyo nan indak jauh dari tampek ka arah Air Dingin Balai Gadang. 

Di siko banyak tadapek pamandian alam dan buatan contohnyo pamandian kolam ABG (Air Dingin Batu Gadang) nan punyo limo kolam pamandian. Biaya masuaknyo Rp. 20.000-, ciek urang. Adoh pulo pamandian tiger camp nan wahana kolam pamandiannyo banuansa alam nan masih asri. Untuak tiket masuaknyo Rp. 15.000 ciek urang. Kawasan ko bisa lo digunoan untuak tampek outbond sakaligus berkemah.

7. Air terjun 7 tingkek Lubuk Minturun

Lubuk Minturun adoh pulo air terjun nan salah satunyo air terjun tujuh tingkek atau pincuran tujuah. Akses jalannyo alun bisa dilalui kendaraan, jadi pengunjung harus manitipan kendaraan di posko nan kiro-kiro 15-20 menit ka lokasi air terjun. 

8. Ngungun Saok pamandian tarancak di Kota Padang

Ngungun Saok punyo pamandangan alam nan menakjubkan, karano keunikan tabiang-tabiang batu nan eksotik dan adoh pulo sejumlah air terjun. Ngungun Saok artinyo tampek nan tersembunyi. Lokasinyo sakitar 3km dari pamandian lubuk minturun 

Untuak sampai di lokasi harus manyusuri tapian sungai dengan tabiang curam jo jalan-jalan babatu. Raso litak akan tabayia katiko mancaliak banyak lubuk (kolamnyo) di tambah jo dindiang bebatuan nan banyak lumuik mambuek suasana sakitarnyo manjadi labiah Instagrammable. (**/)